2026 жылдың 23 сәуір күні «Еңбегі адал жас өрен» жобасы аясында «Қолымнан келсе – табиғатты сақтаймын» тақырыбында викторина байқауы ұйымдастырылды. Байқау барысында қатысушылар экология және қоршаған ортаны қорғау туралы білімдерін сынап, белсенділік танытты.  Қатысушылар өз ойларын ортаға салып, табиғатты аялаудың маңызын талқылады.

2026 жылдың 17 сәуір күні Туризм орталығында «Спорт – есірткіге қарсы» ұранымен Текелі қаласы мектептерінің оқушылары арасында спорттық жартасқа өрмелеуден қалалық чемпионат өтті.  Чемпионат барысында қатысушылар спорттық жартасқа өрмелеуден жылдамдық және боулдеринг қашықтықтары бойынша өз шеберліктерін көрсетті.  Жарыс қорытындысы бойынша жеңімпаздар мен жүлдегерлер кубок, грамота және медальдармен марапатталды. 

10–12 сәуір аралығында Тамғалы тас шатқалында туристік көпсайыс үйірмесінің қатысушыларына оқу-жаттығу жиыны ұйымдастырылды. Жаттығу табиғи жартаста өтіп, қатысушылар туристік техника элементтерін тәжірибе жүзінде пысықтады. Оқушылар жартасқа өрмелеу, қауіпсіздік ережелерін сақтау, сондай-ақ жеке қашықтық және байлам қашықтықтары бойынша өз шеберліктерін көрсетті.Табиғат аясындағы бұл жаттығу олардың төзімділігін арттырып, спорттық туризмге деген қызығушылығын одан әрі нығайтты

12 сәуір күні орталықтың үйірме қатысушыларына Тамғалы Тас шатқалына   1 күндік танымдық экскурсия ұйымдастырылды 🏞️ Экскурсия барысында оқушылар «ашық аспан астындағы ғибадатхана» саналатын тарихи орынмен танысып, жартастағы бірегей петроглифтер мен XVII ғасырдың екінші жартысына жататын тибет иконографиясы және жазулар туралы мағлұмат алды 📜 Қатысушылар Авалокитешвара бейнесі, ежелгі мантралар мен тарихи мұралардың маңызын түсініп, өлкеміздің бай мәдени-рухани құндылықтарын тереңірек таныды 🌿

2026 жылдың 6–10 сәуір аралығында Балалар мен жасөспірімдердің туризм және өлкетану орталығында спорттық туризм бағыты бойынша мазмұнды әрі қызықты апталық өткізілді. Апталық барысында: ✔️ Туристік көпсайыс бойынша жарыстар ұйымдастырылды ✔️ «Спорттық жартасқа өрмелеу» шеберлік сабағы өтті ✔️ Кіші жастағы балаларға арналған «Туристята» жарысы өткізілді ✔️ «Ирбис» марафоны қатысушылардың төзімділігін шыңдады                                                                                         

🌿🐦 1 сәуір – Халықаралық құстар күніне орай Орталығымызда «Үздік сурет» байқауы ұйымдастырылды 🎨 Байқаудың мақсаты – балалардың табиғатқа деген сүйіспеншілігін арттыру, құстарды қорғауға шақыру және шығармашылық қабілеттерін дамыту 🌱 Қатысушылар өз қиялдарын сурет арқылы жеткізіп, ерекше туындылар ұсынды 👏

2026 жылдың 27 наурыз күні Текелі қаласында орналасқан "Будда" тасына тарихи-өлкетану үйірме қатысушыларына экскурсия ұйымдастырылды.

2026 жылдың 21 наурыз күні үйірме қатысушылары арасында "ФРИРОУП" атты топтық ойындар ұйымдастырылды.

2026 жылдың 13 наурыз күні үйірме қатысушылары арасында спорттық бағдарлаудан жарыс ұйымдастырылды. 🧭 Жарыс барысында қатысушылар карта мен компасты пайдалана отырып, белгіленген нүктелерді жылдам әрі дәл табу бойынша өз шеберліктерін көрсетті. Әрбір қатысушының ептілігі, жылдамдығы мен тапқырлығы сынға түсті. 💪 Нәтижесінде үздік нәтиже көрсеткен қатысушылар анықталып, арнайы марапаттарға ие болды. 🏆 Осындай жарыстар жасөспірімдердің спортқа деген қызығушылығын арттырып, төзімділік пен ойлау

2026 жылдың наурыз айының 05-06 күрдері аралығында Балалар мен жасөспірімдердің туризм және өлкетану орталығында спелео туризмі бойынша облыстық чемпионат өткізілді.