«Бақытты бала- жарқын болашақ»

2026 жылдың 1 маусым күні Балаларды қорғау күніне орай қалалық саябақта «Бақытты бала- жарқын болашақ» тақырыбында фрироуп жарысы ұйымдастырылды.
Іс-шара барысында қатысушылар түрлі кедергілерден өтіп, ептіліктері мен төзімділіктерін сынады. Жарыс балаларға көтеріңкі көңіл-күй сыйлап қана қоймай, олардың батылдығын, шапшаңдығын және командалық рухын дамытуға мүмкіндік берді.
Барлық қатысушылар белсенділік танытып, өздерінің үздік қырларын көрсетті. Балалардың шат күлкісі мен қуанышты сәттері мерекенің басты көркіне айналды.
Балаларды қорғау күні құтты болсын! Әрбір баланың балалық шағы бақытқа, қуанышқа және жарқын естеліктерге толы болсын!