ЭКСКУРСИЯ

2026 жылдың 22 маусым күні жазғы жоспарға сәйкес орталықтың үйірме қатысушыларына  Жетісу облысы, Панфилов ауданы, Жаркент қаласындағы Жаркент мешіті мұражайына танымдық экскурсия ұйымдастырылды.
Экскурсия барысында оқушылар мұражайдың тарихымен танысып, оның сәулеттік ерекшеліктері мен мәдени маңызы туралы құнды мәліметтер алды. Сонымен қатар, өлкеміздің тарихи-мәдени мұралары жөніндегі білімдерін кеңейтіп,  рухани құндылықтарына деген қызығушылықтарын арттырды.
Танымдық саяхат кезінде қатысушылар мұражай экспонаттарын тамашалап, тарихи ескерткіштердің сақталуы мен маңыздылығы туралы мағлұмат алды. Экскурсия жас өлкетанушылардың туған жер тарихын тереңірек танып-білуіне және патриоттық сезімдерін нығайтуға ықпал етті.
Тарих пен мәдениетке толы бұл экскурсия қатысушыларға ерекше әсер қалдырып, рухани-танымдық дүниелерін байыта түсті.